راس مالي
راس مالي هو ماعندي سواه
يامر وينهى علي بدنيتي
ايش يعني ضيم وايامي معاه
ايش يعني نار دامه جنتي
اعشقه وادعيله بوقت الصلاة
واطلب الله يستجيب لدعوتي
يحفظه من جانبيه ومن وراه
الحبيب اللي بقربه راحتي
كل شي ممكن يسوي به غلاه
ان ضحك ممكن تجيني عبرتي
من كثر ماني تعلقت بهواه
اختنق في فرحته من فرحتي
الشقا بعده وفي قربه غناة
واحد نساني معنى وحدتي
والفراغ اللي محاصرني ملاه
والحزن ماله مكان بغرفتي
في حياتي صار هو كل الحياة
وفي شعوره دوم ترجح كفتي
ما ابي غيره ولا عندي سواه
وكان عنده غيري احلق لحيتي