نشد
نشد عن احبابك وعلم من نشدك
انا وقلبي والمعاليق ادخلا
يا مكثر الضيقات بدروبي بعدك
دنيا مهي دنياك مافيها حلا
وين انت دورك الخفوق ولا وجدك
ولا جاز عنك ولا استخار ولا سلا
وين انت ماكن بوطن شوقي شهدك
وماكن صدري بالتباريح امتلا
تعال ونلم النسايم في وعدك
ماعندي اغلا من غلاك ولا غلا
ونسمي الحزات تبشر في سعدك
وندني لادنى نبض فينا ونعلا
وعذري لعيني كلما اتلفها سهدك
عين لها خلان مافيها بلا
ريح ملايكتك ولا تكلف جهدك
والله لا قبلك ولا بعدك ولا