كلمات اغنية انا دولة علي غزلان و مروة ناجي مكتوبة

كلمات اغنية انا دولة علي غزلان و مروة ناجي

في البداية كل حاجة كانت مجرد اشتباه
بنت ارجل م الرجولة بتشقى جامد في الحياة

رايحة جاية وجاية رايحة مفيش ولا حاجة تهزها
بنت جدعة بتشتغل عشان تساعد اهلها

ترس داير في الحياة من البيت للجامعة لشغلها
فريدة تالتة حقوق وفاطمة اولى صيدلة

اختين جدعين بيشقوا على لقمة عيش حلال
ع الحال دة كل يوم شايلين هموم جبال

والحياة دي متعبة بنلف جوة منها
الكل في ساقية داير ولا حد ارتاحلها

وبعد يوم طويل ممل م المشاكل والتعب
ابتدا فصل الحكاية والمضايقة والغضب

وسط الشوارع والطرق وازدحام بين الوشوش
كلام وبص وتعبيرات تضايق وقتها

كل نظرة واحدة منهم كانت بتجرح جسمها
كل شيء عادي ومباح كل شئ اصبح متاح

هو حاول يرضي نقصه لانه اصلا فوضوي
هو شخص مريض بطبعه وعقله جاهل مش سوي

وهي اقوى بايمانها وبثقتها بنفسها
مش بميكب او بمظهر او بشكل لبسها

هو فاهم انه صح وان دي الرجولة
فريدة بنت بميت جدع صعب حد يمسها

هي اقوى بكيانها قوية بطبعها
مش وسيلة ومش غرض هي ملكة نفسها

مش سلعة للتحرش هي حرة في ارضها
وقفت قدام الجبان عشان بتحمي ارضها

انا قلبي مرفرف جناحاته انا كل معاني الحرية
مخلوقة انا اصلا من ادم واتعامل بس بحنية

انا سورة اتذكرت في القران انا امك اختك او بنتك
انا دم ولحم شعور انسان مش هسمح حد يهين فيا

المرض مش عيب عشان فيه نفوس مريضة بطبعها
ازاي تلوم عليها تجيب العيب في لبسها

وعيونك طالعة نازلة من فوقها لتحتها
بتفصص كل حاجة وكل حتة في جسمها

ماتجبش اللوم عليها وتقولي اصل هي
اللوم على اللي ربي ع النخوة والتربية

الواجب والرجولة انك تكون دايما حاميها
وتدافع عن حقوقها وعن كيانها وعرضها

الجهل عنكبوت ومعشش في العقول
والكل مغمي عينه ومركب وش غول

ليه بنحكم بالمظاهر والظواهر والسمع
ليه واحدة بنت ناس تكون ضحية مجتمع

مرت سنين وعدت وفريدة اتخرجت
بقت محامية شاطرة وليها اسمها

ويوم عن يوم بتكبر وبتعلى بنفسها
بقى ليها كيان كبير وقيمة في مجتمع

بقى ليها صوت وراي وكلامها بيتسمع
وفي يوم مالوش ملامح بتتعاد الرواية

نفس التفاصيل لكنه المجني مختلف
فاطمة بتدرس في جامعة كلية صيدلة

نفس الجريمة كاملة بنفس شرحها
يا بطل ياللي ماشي ايه يا بت ايه الكلام

ما تقولي حتى رقمك ردي حتى السلام
يلا افتحيلنا سكة طب افتحيلنا باب
حرام كل الجمال ده يستخبى في الحجاب

نفس النظرات بتجرح واللمس والكلام
واتقلبت القضية لقضية راي عام

فاطمة اختارت المواجهة مسابتش حقها
كملت القضية ووكلت فيها اختها

واترافعت في المحاكمة بتدافع عنها
عن حق كل بنت كان ضايع حقها

وقفت بشموخ بتصرخ وصوتها بينتفض
الكل كان معاها واقفين ضهر وسند

الكل كان فخور وقام سقفلها
وخلصت المرافعة وانتصرت في النهاية
وهو نال جزاءه واتنصفت الحكاية

انا دولة باقية مهما يكون وليا حدود وليا قانون
انا قادرة ادافع عن حقي واغير كل شيء في الكون

انا المعنى وتكوينه انا العالم وتامينه
انا ليا وضعي ومكانتي ودوري في الحياة مضمون

كلمات اغنية انا دولة علي غزلان و مروة ناجي كاملة

اعمال اخرى ذات صلة