كلمات اغنية من نظرة عين محمد فوزي من فيلم نهاية قصة

من نظرة عين قلبي ناداني
حبيت وبقيت مخلوق تاني

بخيالي انا كنت عارفها
من قبل عينيا ما تشوفها
وردة لمحتها رحت قاطفها
والقلب رقص فوق شفايفها
والبوسة دي كاس شربوه اتنين
ما سكرت خلاص من نظرة عين

انا بسال قلبي الف سؤال
وجواب القلب امل وخيال
يا مغير حال ومبدل حال
حقابلها واشوفها واهني البال
ولا يا هل ترى مشغولة بمين
ليه كل دة جرى من نظرة عين

كان طيفها يزورني في منامي
وصورتها عايشة في احلامي
والحلم اتحقق قدامي
اتاريها وحي والهامي
لكن دي مين والاقيها فين
وانا بين نارين من نظرت عين
من نظرة عين قلبي ناداني