كلمات اغنية استعراض الزهور زي الستات محمد فوزي

الورد له في روايحه لغات
تجمع بين النار والجنة
حكم الزهور زي الستات
لكل لون معنى ومغنى
دا لكل لون معنى ولكل لون مغنى
لكل لون معنى ومغنى

احب زهر البنفسج رمز الجمال الحزين
عبيره يفرح ويبهج ويسعد المحرومين
احب ريحته ولونه واجعل هداوته وسكونه
هدية للي يصونه للي يصونه
ما تهادي بيه غير الجمالات
اللي العيون بيها تتهنى
حكم الزهور زي الستات
لكل لون معنى ومغنى
دة لكل لون معنى ولكل لون مغنى
لكل لون معنى ومغنى

اة م القرنفل دا ريحته تشغل
ساحر ويسحر قاتل ويقتل
يجعل حبيبك هواه مشعلل
ويكيد عزولك ويبات مفلفل
شقي وشقاوته سبب غلاوته
وادي حلاوته وادي حلاوته
ياللي تحب الحلويات
شوف القرنفل واتمنى
حاكم الزهور زي الستات
لكل لون معنى ومغنى
ده لكل لون معنى ولكل لون مغنى
لكل لون معنى ومغنى

اجمل هدية اقدمها لبنات بلدي
اقطفها من جنتك يا ورد يا بلدي
احمر في يوم حرقتي
ابيض في يوم سعدي اصفر من الغيرة
ع اللي سبب وعدي
قبل الملبس والشربات يقدموك ليلة الحنة
حكم الزهور زي الستات
لكل لون معنى ومغنى
دا لكل لون معنى ولكل لون مغنى
لكل لون معني ومغنى

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.