بصباح الالف الثالث
بصباح الالف الثالث بعد في جوع
في اطفال مشردين وبكي ودموع
خلينا ننهي الحروب يا دول القوية
لا للفقر لا للقهر لا للعنصرية
انت مين انا ما بسال
لكن حسنك قالي مين
ولا بعرف اي لون واي دين
بعرف انك خيي خيي بالانسانية
في منفيين في ناس بالمعتقلات صرلن سنين
خلينا بمطلع هالعصر والدنيي مشتاقة
ننهي الظلم ننهي الخوف وع العدالة نتلاقى
انا من هالشرق جايي ارض الايمان
ضيعنا مطلع الشمس ولون الزمان
من عنا لكل الشعوب منودي تحية
جيل يفل وجيل يطل على وقع الحرية