اتكلم عربي

الكلام مش الحروف
دة عيون مليانة شوف

لغة بلادك يعني ذاتك
تحررك من اي خوف

اتعلم واتكلم عربي
هنا اهلك حضنك وامانك

فاتحين احضانهم بالعربي
يقولولك بيتك ومكانك

في بلاد تانية جميلة اكيد
اتربيت وكبرت هناك

لكن الشمعة اللي حتقيد
وحتفضل في الشدة معاك

ناسك اللي يخافوا عليك
ويحاربوا الاهوال علشانك

الجسر اللي ما بينا الكلمة
والكلمة دي الدفا والنور

تعرف لغتي وتكلمني
تلغي المسافات والسور

لما تشوف النيل بعنيك
الفرحة تلون احزانك

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.