كلمات شيلة يقولون متغير احمد الهاجري

يقولون متغير وراسك غزاه الشيب واقول الجروح اكثر من اللي تشوفونه

اشوف الزمن جاير واكافح مكافح ذيب لو الذيب اشوف الجور والحزن في عيونه

يا وجدي علي وقت مضى لو ما اعرف الغيب لكن السعادة والفرح فيه مقرونة

انا بيني وبين المساري مزارق طيب وهذه عادة العاشق ونهجه وقانونه

قبل تسري السمار ولا النجوم تغيب ابسري على اللي غير في شكله ولونه

ليا راح الليل دقيت سلف الجيب وتركت الشماخ مسفطة فوق طبلونه

ابي ديرة مابين هضبة وبطن شعيب مرابي وليف حالوا اعداي من دونه

احبه وردوني عنه والزمان صعيب يكون الله بعوني وكان الله بعونه

تولع وليفي في محبة طوال النيب ومن حيث ما انوي بوشهم مايردونه

امن اقصي الهضوب الين تاصل خشيم الذيب مراتع سهاف الشول ياللي اتعرفونه

يحب البداوة والبداوة مافيها عيب وانا مثل ما قيل ابدوي بكرتونة

سواليفها اكثر عن الباتلي وهديب وعن جدها اللي كل ربعه يعدونه

هذه والله اللي جرحها مستحيل ايطيب لو ان الاطباء تجتمع ما يداوونه

خلقها الله لراعي الهوى جنة وتعذيب وهي عن دروب الريب والشك مصيونة

⋐════════════════════════⋑

تفاصيل و معلومات

⋐═══════⋑

اسم الشيلة الرسمي : اغنية يقولون متغير

اداء : المنشد السعودي احمد عبد العزيز الهويشل الهاجري

انتاج : Bright Star – Media Prodction

سنة الانتاج : 2019

تاريخ الطرح الرسمي : 06‏/05‏/2019