كلمات شيلة انا وياه حمد الراشد
يا نسيم الليل وش بينك وبيني
كل ما هبيت زاد الشوق فيني
للحبيب اللي منى قلبي وعيني
كل يوم وكل ليل وكل ساعة
جادلن من زينها كل الصبايا
لحضرت تاقف وتعطيها تحايا
والنسب عالي ومن روس دهايا
وامرها نافذ وله سمع وطاعة
ويش اوصف ويش اقول ويشاخلي
ايتن من شافها عقله يولي
وان حكت كنك من السكر تحلي
وغيرها في البيض مالي به طماعه
طول عنق وعين فيها البرق لايح
والنحر فارع وفيه الورد فايح
والشعر ليلن على الامتان سايح
وابرك الحزات هي وقت اجتماعه
جعل زوله ما يفارقني ثواني
جعل روحه ما تشوف الشر داني
ذا كلام الصدق من قلب ولساني
والمحبه وصل والفرقا قطاعه
ايه احبه وش علي لا قلتها له
امتلكني بالغلا وكلي حلاله
ومن زعل يزعل ويا جعله فداله
هو مدار الكون عندي واتساعه
ودام انا واياه في حب وتعاهد
لا يحاول غيره بوصلي يجاهد
الغلا والحب له والقلب شاهد
شاهد انه ماخذ روحي وداعه