يا امي
كل ما اشتقت شوفك
او شم ريحة عطرك
ضمك لقلبي وحس طيبة حضنك الدافي
كل ما احتجت اني شيل الوجع مني
بركض يا امي وبغمرك
تتنامي عكتافي
الطفلة الكنتا كبرت
وصارت متلك حنونة
وقلبها صافي
ارتاحي يا امي من التعب
لا عاد همي تحملي
وعليي لا تخافي
انتي تعبتي واتحملتي
وعطيتي ولا يوم سئلتي
من كتر الحب اللي بقلبي
عم حسك يا امي بنتي
ريحة لمساتك عثيابي
سهر عيونك فوق كتابي
يبقى خوفك فوق ابوابي
لو عن عينك طال غيابي