يا الهي

يا الهي الدنيه ضاگت والوکت حاصرني حيل، يا الهي النور گطره وگاضي كل ايامي ليل. الفرحة شحت والمتاعب يا الهي بگلبي سيل، وين الگه المثلك انته بکل وکت حاضر خليل.

یا الهي الماله احد ينطر الرحمة امنديك، وانته بوبك ماتسدها امفتحه للحاير يجيك. هنه كثرن واليكثرن جايب اجروحه وعليك، مالي غيرك يا الهي يرحم بحالي ومليك.

يا الهي الوسعه ضاگت والوکت شادهلي بال، مابگت رازونه عندي غيرك ايغيرلي حال. شلهن اهمومي بجروفك للصبر ماظل مجال، مايخيب اليدگ بابك یامجیب الکل سوال.

انته کشاف اليوجعن واليحرگن بالدلیل، ماترد ربي اليجيلك يرجع امئيس ذليل. السائل الدگ باب جودك تکرمه ومو بالقلیل، مذنب وماعندي غيرك والحمل كلش ثجيل.