هان الحب
هان الحب الهوا شبي
شو يخنگني احسه كبرت وصعبة انسى
ضعت وماكو مرسى اظل بي
والاگيه ولا اندل طريقه اذتني الحقيقة
ردت لو بس دقيقة احاچيه
لو هسة يجي يلگة البچي وسط الرمش
نسيانه صعب يدري الگلب ما عنده غش
اي همي چبير هذا اني طير وبلايا عش
سهر قهر كبر همي واشتاگيت
وروحة بلا وداع وبسرعة ضاع حبنا القوي
يا نار البعد من ابتعد بيها انچوي
اه يلويها الزعل ايدي القبل ما تنلوي
ندم الم عدم روحي من امشيت
نسى بيوم حب گلبي وغرامه وليلي الما انامه
تعبت من الملامة وبقى يلوم
ولا يگول چنت بروحي اشيله واسوي المستحيلة
ابو العشرة الطويلة نسه بيوم
هان الحب لان ظليت احن كل عمري الة
صح منه اتعبت بس هم عشت اشتاگله
اذاني الغياب يعني العذااب استاهله
خلص رخص نگص عمري من حبيت
ظليت اختنگ من هالعشگ اي منكسر
الضيعني من اديه وهين عليه من انقهر
ما يرجعلي لا بس هم وراه باقي انتظر
متت ضعت بجت عيني وما مليت