رجعت اضحك
رجعت اضحك على نفسي
على ايامي وعلى عمري
حبيبي اتمنى من شفتك
اغمض عيني لو ادري
خذتني من ايدي لهمومك
خذتني لواقع جروحك
بعد ما وجعت روحي
عفتني وخلصت روحك
تجازيني بعذاب وبهم تخليني ابچي واتالم
صرت مجبر ولا اهتم صرت مجبر
تسهرني بزعل منك تخوف گلبي اليامنك
نسيت وخيبت ظنك صرت مجبر
رجعت اضحك على عيني
على كل دمعة باچيهه
واعض ايدي عشر مرات
على كل كلمة حاچيهه
واسوي روحي ما مهتم
واني الحسرة ذبحتني
وصلت لحالة باحساسك
حتى الضحكة جرحتني
تعيرني بجرح تالي
حسافة اسمك الغالي
تضحك بهذلت حالي صرت تضحك
نسيت اللي وگف يمك
واللي بحيرته ايضمك
نكرت اللي التهه بهمك وضم جرحك