زحمة الحاجات
في زحمة الحاجات
انتي النجمة اللي بتنورلي طريقي
وقلة الكاشات
هي اللي ممكن تاخر قربي ليكي
وبكرة كله جاي
فرصة تخلي قلب داب يليق عليكي
ومعاكي بكون مجنون فوق السحاب
والقلب يادوب متحمل الغياب
واللي في القلوب ما يعلمه غير الله
مش ممكن هاكون لغيرك بس انا
ماحلتيش قصور ولا جاه ولا غني
والنية اكون عشانك وليكي حياة اه
في نفسي حاجات كتير
اولهم بس اني اعرف اقولك قد ايه
بحبك وبضمير
والنظرة في عنيكي بتقويني علي انا فيه
وعارف انتي ايه
بس هاوصلك وهلمس يوم ايديكي