حتة باتيه

حتة باتيه وسمون فيميه ملبن وحاجة ملبسة
شوفتوا الخدود دى جامدة موت وسلوكها يابا ملمسة

عليها رقة من السما ع الارض ماشية مقسمة
تقاطيعها حلوة مسمسمة زي الكتاب متفصلة

في الحسن ملكة متوجة شطة ونارها موهوجة
اب ديت يا ناس متبرمجة وفي الدلع متاصلة

والنعمة عود نادر الوجود مشدود اوي
يا كريز و وت وجريب فروت م المستوي

براحة مش حملك انا بشويش عليا
دة انا في العيون دي قلبي واقع بالقوي

في عينيكي شايف حاجة غير كل البنات
واقف قصاد المدرسة حد وتلات

ما تقولي حاجة حرام عليكي تعبتي قلبي
دا انا تحت بيتك عافية ذوق حالف لابات

لو قولتي عنك الف ورق وميت قلم
مايكفوكيش حتي الجمال فيكي اتظلم

لو قولتلك فوق الورق مليون بحبك
ده انتي اللي زيك في الهوا نار ع العلم

عليها رمش يخلي عقلك يتهبل
عليها ضحكة يخلي مودك يتعدل

عليها مشية تجننك وتطب ساكت
طب ايه اللي بس معاها ممكن يتعمل

خلاص خلاص معقول يا ناس ده مفيش كدة
دانا عمري ما اتمنيت باكتر من كدا

واخدها كل يومين تلاته وجاي رايح
من مقام سيدنا الحسين للسيدة

ع الواتس اب بعتلك مليون فويس
لحد ما شحني ورصيدي خلاص خلص

صدق اللي قال زي الغزال مغري وفرس
فعلا صاروخ محتاجة ميت مليون حرس

دي قطة ناعمة ولو اذيتها تخربشك
ولو بعدت ف مرة تيجي وتنكشك

معلومات و تفاصيل