حالة حب
انا يبين علي الحب ولا اقدر اخفي الاشواق
وشوقي غير هالمرة مع اني دايم اشتاقك
يا منفى كنت اهرب له اذا هذا الزمن بي ضاق
تطلعني من احزاني تسافر بي في اعماقك
انا مالي غنى عنك تخيل غصن دون اوراق
اشوف العمر بعيونك وشمسي ساعة اشراقك
انا وياك حالة حب ما مروا بها عشاق
بصدري لك ترا موطن وفيه يرف خفاقك
تعال الحين محتاجك وطيب خاطر المشتاق
انا حنيت لك كلي وقلبي ماهو لي حقك
تعال بحب لك بروحي اماني تلتقي بعناق
معاك ابقى وفيك احيى سماي حدودها افاقك
كثير اللي بقلبي لك ولا غيرك لباله راق
ولا شالت عروقي الا غلاك وود ميثاقك