حبيتني وياك
مابين اقول واخبي شعوري ، وما اقول اهواك
تطيح الكلمة من قلبي وحنيني يبان في عيوني
ابي تسمع حكي عيني لاني كل ما القاك
كلامي يتوه رغم اني حفظته بيني وبيني
عسى اللي قد ملا عيني حنين بعشقتي يبلاك
ويعتقني من الحيرة وبحبك يجازيني
رهنت ايامي لك وحدك وانا يا دنيتي لولاك
ما يفتحلي الهنا بابه ولا الضحكة تناديني
انا مو بس حبيتك ، انا حبيتني وياك
واحب اللي تحبه زود ولو ما كان يعنيني
اشوف الناس والدنيا ، ولكن ما اشوف الاك
انا وش لي بهالعالم دامك عالمي وكوني
طلبتك كان لي خاطر ، طلبتك قول تم وجاك
سنيني معتمة دونك ، ابيك تنور سنيني
ولاني مقدر احكيلك واتوه وارتبك وياك
ابيك تحس باحساسي وتقراني من عيوني