جزاتي
جزاتي يخون حبي ويبتعد عنه
الصبرت وياه وكلشي اتحملت منه
تركني بنار واني معيشة بالجنة
اخذ ضحكات شفتي وعافلي الونة
الج الله يا روحي شبيدي ع القسمة
ملاني جروح حبه وماخنت حبه
حرمت الروح وانطي راحتي الگلبة
طلع جذاب واني مصدگ الجذبة
العشگ والشوگ جانن للاسف لعبة
الله يساعدج روحي
وني واشتكي ونوحي
منو الي يدري بجروحي
والجارحني عايش كلشي ميهمة
جنت ماشوف غيرة ولا احب غيرة
وهو بعيد عني احظن تصاويرة
طلع حبي سهل مو صعب تغييرة
تالي يعوفني ويتركني بالحيرة
اله ضحيت عمري وروحي وسنيني
ابثلج اجوي وهو بناره يجويني
ما جنت بيوم اتوقع يخليني
يعذبني وينزل دمع عيني