كلمات قصيدة نكتب وصيتنه زين الكردي

متغربين ومحسودين على غربتنا
هاي الناس ما تفهم بعد قصتنا

ما يدرون نغفه ونصحه على دمعتنا
هوه المفارق حبيبة ووطن حاله شلون يكون؟
صعبة وما تنوصف حالتنا!

بالغربة بكل دقيقة نموت هواية
حتى من وجوهنا صارت تستغرب مرايتنا

نريد نرد بس شلون وهاي للتالي عقبتنا
لا بالغربة شفنا الفرح ولا شفنا الفرح بديرتنا

ولو ندري العمر يخلص بالمحطات
جان من الولادة طلبنا موتتنا

الدنيا هواي تعبتنا الدنيا بيا ذنب غربتنا
تره من نضحك بالصور جذابين
اعله كد الصور فقط ضحكتنا

احنا من الدون البشر نخلص اللي بدموع نكتب وصيتنه
ونكتب عن اخر حلم وعن اخر امنيتنا

كون من نموت منريد اجتاف غربة تشيل جنازتنا
وكون من نموت ابطننا تصير دفنتنا
وكون من نموت نسمع كل اغنية بالغربة بجتنا

وشرط عالكبر ما ينكتب تاريخ واسم
كون تنرسم جنطة سفر ومحطات وهمومنا وجمعتنا
حتى الناس تفهم الغربة وتفهم بعد قصتنه

هوه المفارك حبيبة ووطن حاله شلون يكون؟
صعبة وما تنوصف حالتنا!
متغربين ومحسودين على غربتنا

معلومات و تفاصيل

كلمات والقاء الشاعر زين الكردي
تسجيل ستوديو بيت الموسيقى
انتاج بيت الموسيقىMusic House
سنة الانتاج 2021
الطرح الرسمي 15/11/2021

استماع او مشاهدة فيديو من يوتيوب

المزيد من الاعمال المشابهة

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.