انا بكيت – محمد ال مسعود

انا بكيت احساس ودموعي حروف
يشوفها اللي مثلي مفارق احباب

وصوت السكوت المزعج الممتلي خوف
ابيزعجك دامك من البعد مرتاب

اخر ما شفته منك تلويحة كفوف
كانت على هيئة مشاريه وعتاب

شفت الغياب اللي يسمونه ظروف
هذا عذر راقي من انسان كذاب

حتى السواد اللي تحت عيني تشوف
هذي بقايا اثار خطوات غياب

صار الغدر في هالزمن شي مالوف
اما الوفا يا للاسف صار بحساب

ما عاد يثمر بين الاصحاب معروف
اصحاب عقب المصلحه صارو اغراب

اكبر خطا تكون واضح ومكشوف
في وقت صار الكذب من باب الاعجاب

توابع