ياعراق تضل ليفوك – محمد الامير

من اول دمعة بعيني لاخر نزف الشريان
ما اسكت ما اتنازل صوتي يسويني انسان

اجتمعنا اطفال واحلام وشباب
كافي نبقى نعيش بالهم والعذاب

واليموت ويانا يرجع صورة
يبقى يتظاهر وماخذ دوره
نصيح كافي احلامنا يطمها التراب

يا عراق تضل ليفوك ولدك لا ميعوفوك
ننزف اخر قطرة دم ونحاسبهم الباكوك

دمنا السولف مطلبنا بصوت التحرير
باجر يتغير موقفنا ونصير بخير

كافي تبقى احلامنا فوك الرصيف
والشباب تضيع ورقة بنص خريف

والاماني ماجلات الباجر
والف باجر راح واني مناطر
كلشي كافي وهسه حل وكت الحساب

يعراق تضل ليفوك ولدك لا ميعوفوك
ننزف اخر قطرة دم ونحاسبهم الباكوك

You cannot copy content of this page
error: Content is protected !!
Don`t copy text!