كلمات اغنية همنا واحد محمد الحلفي

اتظاهر بزود انا واكف عالسواتر راية
هاي هلهولة نصرنا بساحة الوفاية
ابن الافعال الجبيرة اليوم عندة حجاية

من جتف الجتف متطيح ابد ع الكاع تفكتنا
نشد رجل برجل يا عراق ابد للموت وكفتنا
اكتب لافتة انا وياك نفس الفزعه فزعتنا

يا ولاد ها يا ولاد والزود بيكم زاد
حشد وشعب والله ما تنكسر بغداد

نفس البيوت اللي طلعت للحرام بكاعك
نفس الجفوف اللي رفعت ياعراق شراعك
ابنك اسماعيل نفسه العاف روحة وطاعك

جرح يعرف جرح ماشين منتصرين تاليها
شباب بساحة التحرير محبتك هوسو بيها
انا رايد وطن يعراق وببالك تخليها

روح روح وشوف دمنا شكد عليه ذيابه
واحنا شفنا الشمس طلعت بيك ع الجذابه
دمنا واحد همنا واحد حاسبين حسابه

من التحرير للتحرير عدنا ابطال شوفوها
دكو الليل ولكم حيل والنجمات عوفوها
زلم تصعد ترد جروح وادمكم تعرفوها

معلومات و تفاصيل

كلمات فاضل حسن
الحان حسين البغدادي
توزيع محمد الغراوي
ماسترينغ سلوان الناصري
تم التسجيل في استوديوهات شركة الخليج للانتاج والتوزيع الفني
تنفيذ قسم الانشاد مديرية الاعلام
انتاج مديرية اعلام الحشد الشعبي
سنة الانتاج 2019
الطرح الرسمي 19/12/2019
كلمات اغاني ذات صلة