كل احبك

كل احبك قلتهالك لا حشا ماهي تسلي
ماتسلى بك وقلبي زاد في حبك مقره

كيف انا فيك اتسلى وانت وجهك قبلة لي
والحكي منك يداوي كل ضيق وكل حرة

والله ان العمر دونك مابغيته دامك اللي
يجهل هموم الليالي ويبخص دروب المسرة

والله اني يوم جيتك جيت شامخ ومتعلي

ماتثاقلت الطريق ولا خشيت من المضرة

قم وخلي الليل يمضي بالسوالف والتجلي
لا تظن ولا تشك ولا تلوم ولا تشره

تدري انك من تبسم كل خير يبتسملي
وتصبح ايامي سلام وكل فرحة مستمرة

ارفقي بي يالثواني وافرحي بي واسفهلي
دام قلبي به غرام يملي حدود المجرة

من أعماله أيضاً

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.