كلمات اغنية قصيدة الجوكر

كلمات اغنية قصيدة الجوكر 2019 مكتوبة كاملة، كلمات اغنية قصيدة 2019 غناء المطرب، المغني الفنان الرابر المصري الجوكر مكتوبة وكاملة، كلمات اغنية قصيدة الجوكر كتابة و تأليف الشاعر الجوكر، الحان الملحن حماده عطيف، موسيقى التراك و هندسة صوتية ميكساج و ماسترينغ مهندس الصوت دي جي توتي، تصميم و مونتاج الفيديو ارت و الجرافيكس الديزاينر و المصمم مصطفى كريم، انتاج الجوكر سنة 2019.

كلمات اغنية قصيدة الجوكر مكتوبة

كلمات اغنية قصيدة الجوكر مكتوبة

سفينتي متبنيتش عشان جماهير عريضة
لو شيء بغنوة اتهد يتبني بقصيدة
لا اختارت جاري ولا قطر فتحة غاري
مصمم ع اللي اختارته ومش حزين مع اختياري

لا شىء لا يمكن استبداله عالج التعلق
ناس كتير ع القمة لا تفقه التسلق
اغلى من حاجات وكافرة بالتدرج
تيجان ملوك دابت نتيجة التملق

غير العامة بنطارد الفراشات بشغف
ع المشانق اطفال اذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم

ارواح فرادى اتطفت لما قلدت الاجواز
بوظت اللوحة لما حاوطتها ببرواز
تجار اصلاح لكن من يوم ما فهموا الناس
تاجروا في الغضب والطوب وسط بيوت ازاز

عمري ما اسال اللي سابني ليه سيبتني
حاسس اللي كتبته ومش مهم انت تحسني
الحاجة اللي تهمني ان مفيش حاجة تهمني
ع اللي اتهد مش حزين ومش سعيد باللي بيتبني

فينا حتة اغمق من اغمق مكان في الكون
اقدم حتة غسيل لسه بتطفح لون
في ناس مكان ما تشوط ينصبولها جون
احنا اللي حاربنا ده في عز ما كنا دول

بغير الاسامي واحكي نفس القصة
كل شىء بيغلى وانتي رخيصة لسة
بغطس في الوجع بدون انفاس حابسها
ريحتك في كل حاجة كنت بتنفسها

تعالي قبل النوم وانا احكيلك حكاية
عالم سلبي طول ما الاكسجين محايد
في فرق بين كويسين وبين بطلنا
الناس مبيبانوش بجد غير في الضلمة

كان بيننا خيوط لكن مش باقي غير ارفعهم
بينطوا من عماير والهوا بيرفعهم
قالتلي مبتعرفش تحب ليه ترتبط
انا بحب انا حتى لو اتشقلبت

عمري ما اسال اللي سابني ليه سيبتني
حاسس اللي كتبته ومش مهم انت تحسني
الحاجة اللي تهمني ان مفيش حاجة تهمني
ع اللي اتهد مش حزين ومش سعيد باللي بيتبني

مش عارف انا الحقيقي ولا غش
بقطع وش الاقي تحته وش
اشك في اللي بنى واشك في اللي اتبنى
اصعب اكتشاف في العالم اكتشاف الانا

عصاه تبلع عصيانهم فبيصبح مكروه
يقولوا عليه من ضهره ويخافوا يناظروه
لا دينه دينهم ولا عايز رضا التمثال
يبص على معبدهم يضحك من عدد الاقفال

ده بسبب كشافات الليل بقى النهار مليل
مادام بياخدوا اكتر منك الكتير قليل
في ركن في الفضاء وجنبك اكسجين متسيل
لا حمل انك تشيل ولا انك تشيل

اسال فحم المكن عن معنى راس مالي
بفضل اخواتنا في فلسطين بقى للطوب معاني
لو مش عارف ابن ادم كنت لومتك
جرب تكونني ساعة تنفجر جمجمتك

غبي لدرجة ان الرد اللي انت قولته
بكتب قصايد وده شرف عمرك ما نولته
الجامد الروش دة اعلى لقب طولته
فيلمكوا رخيص وانا انسحبت من بطولته

عمري ما اسال اللي سابني ليه سيبتني
حاسس اللي كتبته ومش مهم انت تحسني
الحاجة اللي تهمني ان مفيش حاجة تهمني
ع اللي اتهد مش حزين ومش سعيد باللي بيتبني

اغنية قصيدة الجوكر 2019

اغنية قصيدة الجوكر 2019

كلمات اغاني الجوكر

ربما يعجبك أيضاً