قربك سعيد
يا غلاي اللي عن عيوني بعيد
انت اغلى من يغيب ومن حضر
في غيابك تشتعل روحي وقيد
وفي لقاك يمر ع قلبي نهر
انت اغلى من عشقت ومن اريد
تدمي جروحي على طاري السفر
قمت احس الكون دونك مايفيد
وقمت احس العمر من دونك خطر
كل يوم اشتاق وابدا من جديد
وكل لحظه معك يبدا بي عمر
صرت اشوفك دنيتي انت الوحيد
وفي غلاتك صرت لي كل البشر
يالوحيد اللي اذا سولف قصيد
وان سكت اقرا من عيونك شعر
ينولد باحساسك المرهف نشيد
غنته حب وغلا طيور الفجر
انا قلبي عاش في قربك سعيد
كل ما يضماك يروى بك مطر
هذا قلبي قصر هارون الرشيد
وحتى روحي حارسه باب القصر
انت في روضك مقدم وانت سيد
انت مثلك يامر فؤادي امر
الاكيد اللي انا اعرفه اكيد
ان غيرك ما له بقلبي اثر