فاهماني
فاهماني وعارفة ازاي تفرحني وتسعدني
دي اكتر حد يعرفني ويفهم مالي من حضني
فاهماني وعارفة ازاي تقويني وتسندني
دي اكتر حب طمني وبيها انا نصيبي عوضني
بشوف الدنيا بعينيها والاقي الفرحة جوايا
وثانية حب وياها تساوى حياة
امان الدنيا في ايديها وهي سعادتي وهنايا
ده حلم وعشت ايامى عشان القاه
من تاني بقالي مكان واجمل حب غيرني
وعايشة الدنيا علشاني ورايا عشان تكبرني
فى عينيها بلاقي حنان ونظرة حب تسحرني
ولو غابت وجت تاني جمالها يزيد وتبهرني