كلمات اغنية طمنوه فهد بن فصلا

(شيلة)

طمنوه ان كان يحسبني نسيته مانسيته
اتناسى عمري اللي مرني من غير شوفه

كان ميعاده ثمنه العمر قولوله شريته
ما على الدنيا بلا شوفته يا عالم حسوفة

لو على اخر يوم في عمري يجيني احتريته
محتريه الى اخر اللحظات لا يشغله خوفه

ليه ماهو يسمع اليا صحت بالصوت ودعيته
لا يناظر بالعيون لا تلوح لي كفوفه

يدري اني كل يوم امر من قدام بيته
لو انا ماني من اهل البيت ولا من ضيوفه

ويش عذره كل جرح من جنابه ماهقيته
لا يخليني وانا اقوى من الزمان ومن ظروفه

كل شي ينعش احساسي معاه انا لقيته
لو تظاهر بالتغلي عارف وش وسط جوفه

يا ملاذ العمر يا ضوح السراب اللي ضميته
اروني مالي عن مطاردك يا خلي نكوفه

كل حلم يسري لطيفك تعنيت وسريته
علموه اني انا محتاج من قلبه مروفه

المتى خلاص يكفي عمري اللي قد خذيته
المتى وانا بعيش العمر كله مع طيوفه

لا يهدم صرحنا اللي بيني وبينه بنيته
ولا يسل بوجهي اليا جيت ابا اشوفه سيوفه

يوم انا اللي ذايع بين العرب فعله وصيته
وان عصاه الوقت قولوله يسوي اللي يشوفه