كلمات : الشاعر مصطفى المليجي

الحان : الملحن محمود فتوح

توزيع موسيقي : الموزع مصطفى مليجي

تسجيل وميكساج وماسترينغ : GAD Music

عود : شريف مازن

جيتار : مصطفى المليجي

بيانو – جيتار : محمود فتوح

تاريخ الطرح الرسمي : 22‏/02‏/2019

لحد امتة الفقر فينا مش حيبطل نقر

ولحد امتة الذل حيفضل يحفر فينا الصبر

لحد امتة قدرنا حيكتب سطر ويسيب سطر ولامتة نستنى الرد

وايه بس اللي فاضل من بواقي العمر يمر

امتة هييجي اليوم ونمحي طعم العيشة المر

مشيت وبمشي وهمشي اعافر وتعبت كفاح

نفسي افتح عيني والاقي كل الدنيا براح

شايل همي ودايما ساكت وقت النطق بقول

بكرة الدنيا تمشي وبكرة يغيب وزمانه يطول

مش بتبتر بس قصادي الحمل خلاص بيزيد

حتى الحلم ف يوم ما حلمته سابني وراح لبعيد

خايف ييجي اليوم واواجه جوة مرايتي كبوس

واكسر نفسي بايدي واداري وعلى نفسي ادوس

واثق ايوة في نفسي بكابر محتاج ارتاح

برسم ضحكة في كل وشوش الناس وكل جراح