ذهب الليل – محمد فوزي

ذهب الليل وطلع الفجر والعصفور صوصو
شاف القطة قالها بسبس قالت له نونو

ماما قالتله سيب القطة وخليها في حالها
فات مدرسته ورمى كراسته وراح جر شكلها
راحت القطة مخربشة ايده لما مسك ديلها
وادى جزاة اللي مايسمعش كلمة ماما تقولها

ابله قالتلي فيفي الحلوة زعلت من سوسو
راح يصالحها وباسها وهي حلفت ماتبوسه

جابت الحبر وعاصت ايديها وجت بشويش جنبه
مسحت ايدها فى وشه وعملت قال ايه بتلاعبه
سوسو ضربها ومسك الحبر اللي في ايدها وقلبه
على فستانها وشافهم بابا وضربها وضربه

ندر عليا اجيلكوا واولع شمعة من شمعة
لحد الشبر ونص ما يكبر ويروح الجامعة

ميمي دكتور وسعاد دكتورة واحنا ندعيلكم
وصلاح يبقى محامى وتوتو قاضي يصالحكم
وعصام بكرة حيبقى ظابط ويدافع عنكم
يفدى وادى النيل بحياته وحياته منكم

مقالات ذات صلة ربما يعجبك تصفحها