دمعاتي

عايش حياتي اتنطرك يالرايح من ايديه
يالجنت بگليبي نبض يمتى ترد اليه

اندهني رايد شوفتك مزروعه بيه محبتك
يا بعد كل ذاك العمر الروح كلش فگدتك

هجرك جرح كلش صعب اذتني كلش روحتك
انت الحنين اهواك اضل روحي تضل محتاجتك
كلي امل ترجع علي خايف تطول رحلتك

دمع دمع عيني خلص هجرك تعباني
يلي خذت مني عمر واصبرلك واتاني

كسر الگلب مو اي كسر الفراگ ماله اي جبر
عايش حياتي اتاملك درجع مشه بيه العمر

مرني ولو صدفه بحلم الليله راح ابقى انتضر
المهم رايد شوفتك ارجعلي تعبني الصبر

مشه مشه بيه العمر واتنطرك تجيني
مشه مشه بيه العمر ياشوگي وحنيني

روج الوكت كلش صعب ماخذنه مدري اليا درب
عشت بحزن بويه طول الدهر بفراگه دمعاتي تصب

يلي ارحلت يمتى ترد خليتني بديره غرب
اتلاوه باقي وي الزمن اني اسيرك بالحرب

حرب حرب لمن رحت عاداني زماني
حتى الفرح بعدك رحل حزني صاحباني

المزيد من الاعمال المشابهة

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.