خاب ظنه – دحوم الطلاسي

يا وجودي وجد من خاب ظنه فاصدقه
حملنا سود الايام ما لا يستطيع

وجد عود ما يبى احد يقصر في الصلاة
كبروا عياله وصدوا عن الطاعة جميع

من هواجيس تكدر علي صفو الحياة
ضيقت صدري وانا قبلها صدري وسيع

احمل احلام المشاهير وافكار الدهاة
لين سوت بينها حلف في راس شجيع

ان بدعت الشعر لازم تناقله الرواة
وان هبطت السوق ما لد عيني في الرجيع

وان حصل عند العرب في المواقيف اشتباه
ترجح اثقال الموازين في اليوم الشنيع

يا هني الليل يا من بغى شيء لقاه
ما تنبهتها صدوف الدهر مع كل ريع

وانا عمري ضاع من دون تحديد اتجاه
كل ما جيت اسلك الدرب قلت اخاف اضيع

You cannot copy content of this page
error: Content is protected !!
Don`t copy text!