كلمات اغنية تفكر اسماعيل تمر و سدير جبين

كلمات اغنية تفكر اسماعيل تمر و سدير جبين دويتو مكتوبة كاملة كتابة كلام اغنيت واسماعيل وسدير ديو 2019

راحوا كام سنة من عمري قضيتهن دراسة

على الكتب بسهر كنه مناوبة حراسة

مالي حبايب غير الورقة والقلم ماعندي صاحب

تاريخ علوم وفلسفة كتب دين ومذاهب

انا المواطن المكافح من طبقة فقيرة

انا اللي غافي ع الثرى جلدي هو الحصيرة

انا الموظف اللي بالغربة انفنى شبابي

بين التجديد او اقامة او سكن شبابي

مابيحك جلدك الا ضفرك هيك اتعلمت

راسي كتر الضربات عادي ماعاد اتألمت

بدك تعرف حالنا اكثر طيب ركز ع الاخبار

تابع تعليقات الناس وشوف الانحدار

شوف اي فيديو تافه فيو كمية شتايم

شتم وذم الناس لبعض وفيه منن عملوه عزايم

عمل تاج لصاحبه حتى يفزعله يبدأ شتم

بالواقع هنن اطفال من خلف الشاشة زلم

قريت مليت غلطت فاهتديت بحثت واكتشفت وبالصمت اكتفيت

ارض ميتة محتاجة لترتوي ثقة في الناس عايفة حالها مكبلة بوسخ سياسة

وضع رديء محتوى فارغ بلا رقابة كنه غابة دايما بسألي حالي وبنطر الاجابة

ماعم لاقي حل لحالي يحل محل الحل الحالي

كنه محكومين بجملة مهما صار فلا تبالي

قالوا يا اسماعيل صبرا قلت لهم عيل صبري

قالوا ثم ماذا قلت للصمد فوضت امري اه

كسر الخواطر يا بشر مابينوصف بسطور

يا دنيا حني ع قلب ساكن جسد مهجور

ضحكة طفل عم تختفي حامل قلب مكسور

ناطر الفرحة بهالعمر قاطع سما وبحور

محروم النوم عايش بهالحالة صارلي مدة

حاسس كنه راسي رافض يلامس لمخدة

اعمل فلاش باك للدنيا شوف كيف خلقنا هلا مافي غير قدرة الله بتجمعنا

اختلفنا فاقتتلنا فهدمنا اللي بنيناه صحينا فلقينا العالم كله سابقنا

هدموا شباب الامة صار الامل محال شي طبيعي الامة تخرب لما يحكمها عيال

11 موسم من خواطر حتى الشقيري مل

هو يسافر يحاول يدور حتى يلاقي الحل

عبد الرحمن السميط هذا الرجل بأمة

ابحثوا عن الاسم اسم وصل لأعلى قمة

لما اتوفى صفحات قليلة ذاعت الخبر

جبلهم فيديو فضيحة بينشروا الخبر مثل المطر

ما هذا هو اللي بالعصر الحالي يجيب مشاهدات

الفضايح والشتم والاستعانة بالبنات

شو هدفكم هدفكم تبنوا امة عاجزة بائسة ولكل شاب متخلف جائزة

ماني حاقد ع انسان لكن اللي بقلبي بقوله

والفاشل كل ما يفشل ع الفشل روحوا صفقوله

بالله عليكم يا سادة ثقفونا مللنا فانهملنا بالله علمونا

شعبنا منو ناقص تيجي تخربل عقله اكتر

ياخي ماني ضدك لكن ارتقي بفنك تفكر

بالمواطن اللي من الوطن تهجر قبل الشهرة فكر بالشعب المعثر

كسر الخواطر يا بشر مابينوصف بسطور

يا دنيا حني ع قلب ساكن جسد مهجور

ضحكة طفل عم تختفي حامل قلب مكسور

ناطر الفرحة بهالعمر قاطع سما وبحور

كلمات : الشاعر اسماعيل تمر

توزيع موسيقي : الموزع الموسيقي هيثم الحلبي

مدير انتاج : وسيم طالب

تصوير فوتوغرافي : المصور عبد الرحمن قهوجي

مساعد مخرج : محمد نور اوكتاي

تصوير و مونتاج : منيب ربيع

اخراج فيديو كليب : اسماعيل تمر

سنة : 2019

تاريخ الطرح الرسمي : 26‏/07‏/2019

ربما يعجبك أيضاً