كلمات اغنية تذكرة سيما ادهم سليمان و احمد العتباني و اية عقيل و اسلام محي

قرب قرب شوف واتمتع جهز نفسك فيلم جديد
ركز يلا اتفرج واسمع دة اللي هيبقى خروجة العيد
يلا يا افندي وقول للهانم بكرة معادنا ماتتاخرش
ندخل حفلة ستة ونص يلا دي فرصة ماتتكررش

لو ناوي بجد تخرجني انا عندي خروجة انما ايه
على فيلم لشادية تفرجني
وحليم اكمني بموت فيه
انا نفسي اشوفهم وياك
ودينا السيما اللي هناك
واقطع تذكرة م الشباك رايك ايه

طبعا اوكيه ندخل معبودة الجماهير
وانا لون فستانك هختار
ونخلص واخدك لاستديو
اهو ناخد صورتين تذكار

قال لك ايه قال لك اه
وسع وسع واسمع ياه انا في اللامونية
قال لك فيه مصارعة افلام نور وياسين وحسين وامام
ضحك ولعب وجد وحب وحكاية ابطال الحرب
بنقدم كل الانواع وبنوصف كل الاوضاع
وبنجمع كل الاعلام ونعيش مع بعض الاحلام

واحنا بقى اللي اكلنا الجو هنهلك قلبك م الضحك
افلامنا هتفضل تحلو وفي عيدكم تغني عن الكحك
بنضحك لكن هادفين ورومانسيتنا بتتحب
في ختام القرن العشرين
اسامينا اتحفرت في القلب

هنا الصورة اللي زي الاصل بالتفصيل
هنا الصوت اللي بيردد حاجات جواك
هنا النور اللي بيدلك في عز الليل
و 100 واحد كتب عنك كانه معاك

هنا الارض اللي لو نطقت هتنطق فن
وبتعلم و توصف يعني ايه ابداع
هنا الشاشة اللي تقدر باختلاف السن
تطيب كل قلب وتقتل الاوجاع

هنا تقدر تشوف نفسك
تحس ان انت ليك كلمة
و كل اللي مداريه في قلبك
تشوفه بتذكرة سينما

تعليقات

لن يتم نشر عنوان بريدك الإلكتروني.

You cannot copy content of this page