كلمات اغنية ايام زمان عمر كمال

حنيت لمكاني وانا وسط جيراني
ياما في عز المحنة شالوني وتعبوا عشاني

بحن لحكاويهم والسندة عليهم
فاضل منهم اجمل سيرة كانت احلى ليالي

كان فى امان مع ناس زمان كان في حياة
لو غابوا روحهم فى المكان ومحلياه

في ذكريات من ناس فى قلبي مونساه
كان فى حبيب وعنيا لسة مصدقاه

كل اللى كان سافر بعيد نسأل عليه
رمضان زمان تفاصيله غير دلوقتي ليه

ولا عمر عدى علينا عيد حسينا بيه
الا اما نتجمع عشان نتلاقى فيه

بحن لبيت جدي وحدوتة ستي
لمدرستي فى ابتدائيه عن بالي ما غبتي

وبحن لوقفة عيد لعيدية ولبس جديد
بحن لوقفت عيد وعيديه ولبس جديد
بحن لكل شئ كان فيا مبقاش دلوقتي

غمضت عيني وبفتكر ايام زمان
شايف قصادي 100 حكاية و100 مكان

سبحة ابويا ودعوة امي ساعة الادان
وجواب فى ورقة حدفتها لبنت الجيران

وحشتني رحلة سندباد وبورسعيد
بالعوامات فى وسط موجة نروح بعيد
غية حمام مليانة خير على سطحنا
والشمعدان واتاري ماريو وصوت حميد

بيتنا القديم مليان صور بتقول كلام
مليانة فرحة وفيها ود واهتمام

دة مكانش حد يقول لحد خلاص سلام
الا اما يتاكد بانه بخير تمام

وشارعنا ياما جمعنا واحنا صغيرين
كان كل يوم نلعب سوا مش فين وفين

والناس بتضحك ليل نهار كانوا فرحانين
حاسين في لمتهم دفى متطمنين

ياما فى عز المحنه شالونى
بحن لحكاويهم و السنده عليهم
فاضل منهم أجمل سيره كات أحلى ليالي

في هذا القسم أيضاً
اعجبتني، أود التعليق عليها!