كلمات اغنية اهتمامي احمد الساعدي

متعود ابقى الوحدي من تنجرح روحي
ومحد يشاركني الجرح الا انت ودموعي

داويتهن ما قصرت شكرا يابو جروحي
يالتفتهم قبل الحجي من عيوني موضوعي

انت ما خليت فرصة الكلمة الوينك
انت خليت اهتمامي بين قوسينك

ابعين قلبك شوفتني البيني وبينك
حطمت رقم القياسي بالوفه عينك

انت عالم باكمله والقضية الفاصلة
تختلف نار انت نار والعواج اتعدله

هله هله هله هله بالقضية الفاصلة
تختلف نار انت نار والعواج اتعدله
متعود ابقى الوحدي

محد مثل قلبك رزن يحمل مزاجيتي
وعنادي واعصابي وغروري وقسوة اسلوبي

من يوم فارقتك وانه ممروضة عافيتي
حاركني ولحد ما صرت وجهي اسود وثوبي

دورت ذلة بعشرتك حتى اعديها
ما شفتلك كلمة تجرح خاطر احجيها

ذكرياتك دمرتني ومستعز بيها
راح تبقى بقلبي غصة الموت يمحيها

مالتي وكلي الك بختصار الامثلة
لو نقص من مستواي وهو ماكو يكمله

هله هله هله هله بالقضية الفاصلة
تختلف نار انت نار والعواج اتعدله
متعود ابقى الوحدي

متعمد احجيلك عليك وانت تستاهل
من باب حنيتك علي يا كشخة ايامي

عوف الظروف البعدتك خلينا بالحاصل
هو اني مو اول بشر ما كملت احلامي

درست قصة غرامك لليعرفوني
ومن بعد ما كملتها استاذ سموني

ردت بس تمثال احطلك ما يخلوني
تميزت يابو المواقف عل يحبوني

منو حبك يوصله كاعد واتخيله
عمري يالطالع علي وفدة لليشبه هلة

هله هله هله هله بالقضية الفاصلة
تختلف نار انت نار والعواج اتعدله
متعود ابقى الوحدي

معلومات و تفاصيل

كلمات والحان علي الدلفي
توزيع موسيقي سرمد عز الدين
ميكس وماسترينغ ايسر القاسم
تصوير فوتوغرافي مصطفى الميار
فيديو ارت صادق عاشور
حقوق رقمية مسلم الصادق
انتاج احمد الساعدي
سنة الانتاج 2021
الطرح الرسمي 16/11/2021

استماع او مشاهدة فيديو من يوتيوب

اعمال اخرى ذات صلة