انا داخل الجامعة – علي خيري

انا داخل الجامعة وعارف اني هقعد ع القهوة
هستنى وظيفتي وسيفيهاتي
اللي في كل حتة

هستنى ابو شقة وعربية يرجع م الخليج
علشان يتجوز حب عمري
اللي بقالها سنين

انا انا انا مش زعلان
على عمري اللي راح بلاش
مع حلم حلمته وصدقته
وصحيت ولقيته مجاش

انا انا انا مش زعلان
غير كدة كدة ع الشهادات
وقهاوي الدنيا وكراسيها
لينا فيها علامات

دكتور ومهندس ومدرس بالجملة كدة قاعدين
واساتذة بجد ومواهب بالكوم مش متشافين

طب نعمل ايه يا اخوانا
نسرق ولا نبيع جرجير
حتى البيع مش ماشي وواقف
عمري عمال بيضيع

You cannot copy content of this page
error: Content is protected !!
Don`t copy text!