كلمات اغنية النصيحة علي الدلفي

محرم هل هلاله وهاي ارجاله ارجاله
محرم يا هنياله المن ارجاله ارجاله

يالرايد تعزي حسين انقل صورة محبوبة
خلي المايحب الدين يمك يلعن التوبة

لا تعتبر روحك شي چبير ومحد ايشبهك
اذكرك هذا التسوي عمل وتنجي بي نفسك

احسين ايريد منك تخلص اوياه
ولا يقبل عمل مو لله نيته

لا تسيد ابصيته على الناس
اعرف واجبك واخدم قضيته
وبس تخلص ابنيتك توصل اسراره

لا تتهجم ابحبك عله الناس
خلي الناس ولاهانه ابحبيبك

لا تغصب بشر مايلطم اوياك
عليك ابجرحك واخدم طبيبك
بس تخلص ابنيتك توصل اسراره

اذا عايش قضية حسين بعيونك تخليها
فرق بين الفداها الروح وبين اليدعي بيها

مو تنذر طبخ وتصير بس تتباهى بالخدمة
ترى الناذرله زاد انته لجل دينه نذز دمه

راجع نفسك وعوف الخلافات
خلي الهدف واحد خدمة حسين

واتنافس ابحب وشوگ لله
واذكر احنا احنا كلنا ميتين
واهتف ياحسين وطالب ابثاره

كبر موكبك وارفع الرايات
وركز ع المصيبة وخلي بالك

لتدور مباشر بالقريات
وي رب العرش خلي اتصالك
واهتف يا حسين وطالب ابثاره

من أعماله أيضاً

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.