الكويت – دحوم الطلاسي

يا كويت يا روح المحب وضميره
لا يا بعد ناسي وحيي وميتي

لا شفت ضيم الناس في كل ديرة
اسجد لربي اللي خلقني كويتي

اميرة وفي عيون ناسك اميره
ياللي على ادراج القلوب ارتقيتي

يا الاولة لا يمكن انك اخيرة
تبدين لكنك حشا ما انتهيتي

من يومني صغير اشوفك صغيرة
ربيت بك وانتي بقلبي ربيتي

حتى كبرت وصرت اشوفك كبيرة
ياللي عطيتي ضعف منتي خذيتي

ابعد واسافر عن هواك وعبيره
ويذوب بالي كل ما انتي طريتي

واحن لك حن العشير لعشيره
اضحك لضحكتك وابكي اليا بكيتي