كلمات اغنية الجوكر متهمش مكتوبة كاملة
كلمات اغنية متهمش .. تراك من أغاني الراب العربية المصرية مكتوبة كاملة اون لاين بالمعلومات .. التفاصيل حصرياً على موقع كتاب كلمات الاغاني من غناء .. اداء المطرب .. المغني .. الرابر المصري الجوكر ، و قد تم عرض فيديو الاوديو على اليوتيوب في قناة الجوكر بتاريخ 10 يوليو – تموز 2018.
كلام أغنية متهمش الجوكر مكتوبه كامله
المنبه رن لكن الهدف من الصحيان سخيف
تكملة النوم مش اختيار المستقبل مخيف
مفيش جنب بترتاح عليه عشان سريرك حجر
مشيت ورا كل خيط و انجازاتك رف بكر
حتى القهوة بتستناك تسرح للحظة عشان تفور
الطفل اللي خاف م الضلمة كبر بقى يخاف م النور
اول ما بتبقى انفراد و باقي بس تشوط
بتبدا تسال نفسك عن حقيقة الوجود
الفرق بين العبقرية و الجنون بهتان
اكيد النص الفاضي انضف من نصي المليان
عشان فشلت في التعايش جيت جهنم الانتقام
قسوة العلامة انها بتمنع رحمة النسيان
خلي نصك يسأل نصك عاد علينا ايه من جريه
ما دام بنعيش نفس النهاية في اخر السيناريو
و ليه بنكون اشخاص مش احنا طول ما الضوء علينا
ادي تاني منبه رن لا منا نمنا ولا صحينا
مفيش شيء متمش و كان غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عينيك فضيت فضا جماد مكرهش و محبش
ولد صغير حلم كبير و لما كبر الحلم مات
عجيب ضعف البشر و عجيبة قوة الكلمات
كلنا اسباب دة صاب عشان ده خاب
بس طول ما البشر سلالم اعرف ان اللي فوق كلاب
ملحقناش نشوف النور وصلنا و الشعاع مكسور
سيبنا الارض لاجل بذور رجعنا لقينا الارض بور
و الاوضاع متحسنتش لكن مبقيتش صاحب قضية
مضيت على ان مستقبلي مش احسن من ماضيا
اسيب الجامع اقلع القفطان البس قبطان
اسوق سفينة تغرق ارقص رقصة القرصان
بطريقة غير مباشرة الدنيا قالتلي اقف بعيد
لما كل شىء قربت منه مات ببطء شديد
هعمل ايه في قفص بجناح سؤال ايه اللي انا جوابه
تملي في ايدي في مفتاح معرفش بابه
مقدرش اختار ما بينكوا و اخسر نعمة المحايد
حب واحدة ميتنسيش بواحدة يتنسي بوحايد
مافيش شىء متمش وكان غيابك متمش
كل الناس جراحها لمت جرحك ليه مالمش
بعيد عشان متهمش ولا عشان بعيد متهمش
عنيك فضيت فضا جماد مكرهش و محبش
مافيش شىء متمش وكان غيابك متمش
كل الناس جراحها لمت جرحك ليه مالمش
بعيد عشان متهمش ولا عشان بعيد متهمش
عينيك فضيت فضا جماد مكرهش و محبش
نفس المطعم و الاوردر متخاطرش دقيقة
طعم الملل احلى من خسارة جديدة
رص مزيد من لا شىء مزيج من الحمول عليك
بص عمرك من قدامنا عدى نسيك دا ولا ايه
بتعمل مش مهتم ولا مش مهتم فعلا
ضد او مع الغريزة لما الموجة تعلى
الاقوى دايما صح و الاضعف مقالش اشمعنا
ماهو لو كل واحد طلب حقه الدنيا مش هتسيعنا
قريتنا وش فقر و ناسها وش خوف و جهل
البنا ما بينهم صعب بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة
كل عيون كلاب حارتنا مفارقتكش لحظة
مخالش عليهم انسحابك قبل كل رقصة
عيب المبدا إنه فضحي و الذكاء له ريحة
مهما دبحت نفسك مش هتبان دبيحة
مفيش شىء متمش وكإن غيابك متمش
كل الناس جراحها لمت جرحك ليه ملمش
بعيد عشان متهمش ولا عشان بعيد متهمش
عنيك فضيت فضا جماد مكرهش ومحبش
مافيش شيء ماتمش وكإن غيابك ماتمش
كل الناس جراحها لمت جرحك ليه مالمش
بعيد عشان متهمش ولا عشان بعيد متهمش
عينيك فضيت فضى جماد ماكرهش و ماحبش
تفاصيل + معلومات كلمات اغنية متهمش آداء مغنى الراب المصرى الجوكر
| الكلمات من كتابة و تأليف الشاعر و المؤلف و الكاتب | الجوكر |
| موسيقى التراك | مصطفى ابراهيم |
| فوكالز + ميكساج + ماسترينغ | الجوكر |
| فيديوجرافر | مصطفى كريم + ادهم كريم |
| انتاج | الجوكر |
| سنة الإنتاج | 2018 |
| تاريخ الاصدار .. الاطلاق الحصري | 10-07-2018 |
| بلد الإنتاج | مصر |