الجاسوس

مو اصلي القناع اووجهك امبين
انكشفت لا تمثل دور الحنين

حبله اكصير العلاس كلناها
ودم الينغدر خطاره مو هين

عرفنا الباع دم القادة واليشرط يابوياي
لزمنا لزم يد وخنجره ينكط يابوياي

لكينة ارواح ناس اموثقة بجيبة يابوياي
جبان وضد الانطوا دمهم ايخطط يابوياي

تره الجاسوس عندي السي في ماله وبصمة ابهامه
تره الجاسوس بفجر ثلاثة واحد كشف الثامه

تطلع حوبة المظلوم ربك ما ياخرها
ما يعنيلي حجي الناس الخواطر الله يجبرها

وك اضحك يا رخيص اهواي عمرك ما صرت غالي
حطك واني احط ونشوف ياهو اليبجي بالتالي

يابويه يابويه يابوياي يابوياي

مو اني الاتاني واكعد اتنبا
اني مشخص السيرها والمنشا

بالموضع عدوي وحصتي عيونه
ما عاش العلى الشياب يتجرا

اوداعة دم جمال وروح خطاره يابوياي
يموتني اليكلي ماخذوا ثارة يابوياي

بعد مابيه واسكت والبشر طاقة يابوياي
احا يا ضيم كلبي الماطفت ناره يابوياي

تره الجاسوس عبد لامريكا صار وخان بترابه
تره الجاسوس اعترف يم ضابط التحقيقي عالجابه

واحداثية الطيار ذب مي وجهه وانطاها
ابكرسي الري كعد يومين نار وفتنة خلاها

تضل راية علي وحدة ترف بصاية السادة
خلص كلشي وخسرت انت رحت وانتصرت القادة

المزيد من الاعمال المشابهة

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.