رايد وطن – حمزة الاصيل و حيدر الساعدي

يا خيمة محنة تلم الاحباب
وعلى اغصانك بنت عشها البلابل
ادري بيك جرحك لسة ما طاب
البس الطول العمر بدلة مقاتل

ادري وياناتظاهر وعرفناك
واقف عل جسر كلك مراجل
مثل زينب من تكفلها عباس
نريدك يا عراق وانت كافل

تعبان والضيم هواي رايد وطن رايد
اتظاهرنا طاحوا شبان واحد ورا واحد

من العوز مو ملينا حقنا ندور وينه
ماكو حكومة زينة تحضنا وتواسينا

سلمية صحنا بصوت بدرب المنايا نفوت
ليش العراقيين حصتها صار الموت

تعبان والضيم هواي رايد وطن رايد
اتظاهرنا طاحوا شبان واحد ورا واحد

بس حقي اريده وماخاف حزن القلب زايد
واحدنا ميهاب الموت نوفي اذا انواعد

هدة زلم هدينا ياجف بعد يلوينا
من كثر ما اتاذينا اتظاهرنا ملينا

من ساحة التحرير باجر اكو تغيير
مثل اول ومرتاح يرجع عراق الخير

تعبان والضيم هواي رايد وطن رايد
اتظاهرنا طاحوا شبان واحد ورا واحد

من عينك عراق ادري دمع طاح
علي بساحة التحرير نازل
اطلعوا ولدك اصحاب الشهادات
العوز بنص قلبهم جمر شاتل

اطلعوا مو بطر طلعهم الظيم
الفقر كاتل وينهش بالعوائل
ترة زحمة العراقي يعيش محتاج
وبحر من التفط جوانا سايل

العراقي شكد خذت من عنده الحروب
ابد ماينام عل ذلة ويجامل