كلمات اغنية يابو الشباب نوال الكويتية

ما تحرك فيني شعرة فغيبتك يا ابو الشباب
اللي مثلك نعمة افراقه لها حمد وشكر

الحضور احيان مو اكثر جمال من الغياب
غيب ولك مني تحايا طيب تقدير وذكر

مسالة اني ابيك تعود لي بعد الذهاب
مساله تحتاج قلب وبرضو محتاجة فكر

مانيب اتبع من يقفي لا ولا احسب حساب
تو ماجابته امه من يعاملني بمكر

لا وجع في القلب بعدك لا جروح ولا عذاب
بتحلى ايامي ويصفى جوها المر العكر

حب لك مخلوق ثاني لك فتحت الفين باب
طالبك لا تشيل همي طالبك لا تفتكر

عيش هالدنيا بدوني واكسب فبعدك ثواب
دام مالك شي عندي في وجودك ينذكر

السعادة في اللقا واحيان واجد في الغياب
ومن يبي غير السعادة ناقص شوية فكر