كلمات اغنية متحير موسى

متحير

في امر الدنيا متحير بتتغير وبتغير
وفرحة قلبي يا قلبي تملي عمرها قصير

في ناس من قلبي حبيتهم ونن عنيا انا اديتهم
ولما احتاجتهم مرة في وشي قفلوا باب بيتهم

ولا كسرني غير اني اهون علي حبايبي
ويظلمني اللي كان مفروض يقف جنبي

ايه لزمتها نعيش في الدنيا لو هونا
عليكم وانتوا في عيونا
وياما عملنا علشانكم وخنتونا ولم خنا

يا ناس صعبة علينا تبقي دي قيمتنا ودي اخرة محبتنا
ياريتنا ما عيشنا ولا شوفنا علي ايديكم نهايتنا

قدرنا وبختنا المايل عليكي يا دنيا نتحايل
ولا مرة تراضينا فمالكيش عندنا جمايل

جاملنا ناس علي حسابنا وليه اقرب قريب سابنا
مانرتاحش الا برضاهم ولا ارتاحوا الا في عذابنا

معلومات و تفاصيل

كلمات و الحان	عزيز الشافعي
توزيع موسيقي وميكس وماستر	توما