اغنية فخر الدولة
كلمات اغنية فخر الدولة عبدالله البدر
زلم نعم الزلم انتوا رفعتم بلادي حرة
مواقفكم على الارهاب صعبة وشكثر مرة
شمر انتوا معروفين محد يقدر يضمكم
بيكم غيرة مثل النار عاشت دوم وي دمكم
اساميكم يعرفوها والعالم يهابوها
اطبع المرجلة والزود نعرفكم ما تبدلوها
اتخاف الدنيا من عدكم محد يوصل لحدكم
هذا شانكم معروف وما حاجة نجاملكم
يضل عبد الامير الحين ساتر واكف الربعه
اذا سولف كلامه سيف الدنيا تقعد تسمعه
اخوك ابضهرك ووياك رب الكون يحرسكم
على حجي العدل يا ابطال ماكو احد ينافسكم
اهل ثاية واهل غيرة بيكم تحمد الديرة
اسمكم يبقى حد الموت هيبة وعالي تقديرة
زلم المرجلة انتوا عمركم ما تراجعتوا
ويه ناسكم يا اسباع ما فد يوم قصرتوا
ابوكم يوم خلفكم خلفله زلم قادة
ورقبتج يا فخر للناس الغيرة انشدت قلادة
اسم عبد الامير الحين سيف الداخلية صار
حمل اسم الدفاع ابزود جميل القائد المغوار
بيكم نفتخر احنا نمشي ونعبر المحنة
يا درع الناس يا طيبين نحكي بطيبكم كلنا
اهل صولات معروفة كرمكم واضح نشوفه
الوطن قلتوا لحد الموت مانتخلى ونعوفه