شوف قلبي
شوف قلبي يا حبيبي وروحي كم متعلقه فيك
شفني صاير مثل ارض ضامية لمحيا سماك
فيني احساس ومشاعر كلها تجزم تبيك
ياللي ايامي وسنيني ما حلت الا معاك
ساكنن قلبي وعيني فدوة لك عمري وسنيني
شوف اسمك وسط قلبي ينبض بنسمة هواك
خذني كلي احتويني وخذ معك فايض حنيني
واطلب وامر تدلل لو بغيت العمر جاك
انت لي ماضي وحاضر مالك بقلبي شريك
انت لي فرح ومسرة وشوق يشهق من غلاك
شف خفوقي اللي سكنته ميت فيك وعليك
يالغلا كلي حلالك وكل ما فيني فداك
والله ابغيك وتبيني واسقني عشق ارتويني
بسلكك درب ومحبة حتى لو دربك هلاك
يا شعور يرتجيني حس في قلبي وفيني
هذا لو يطلب خفوقي قلت تم لبيه هاك