تبسمي 2025 Tabasmi
تبسمي والتفتي وعانديهم تغندري مع كل شيلة وموال
تجملي قدامهم واقهريهم
مدامك تعيشين في قلب رجال
من دونك يوقف ولا يحتريهم
يرخصلك عيونه قبل يرخص ريال
تبختري يا فتنتي وافتنيهم
خلي القلوب يصيبها بشوفك جفال
تقدمي يا مهرتي وافهقيهم
دامك خذيتي شوطهم ثقل وهبال
ايه انثريهم واجمعي وانثريهم
انتي سحابة زين والحسن همال
تهافتي واسترسلي واسفهيهم
دام الوعد قدام والعود ميال
تبسمي والتفتي وعانديهم
تغندري مع كل شيله وموال
تمايلي باحساسك وسكتيهم
لا يا بعد حسادك وكل الازوال
واذا انتثر ليل المتون الفحيهم
سواد شعرك ضيع الليل والشال
وبنص عين بنظرتك جننيهم خليهم
يعيشون مع كحلك اهوال
تطاولي في رقتك واكتميهم
وتبدلي بالزين من حال لي حال
طوفي على عقول العرب بعثريهم
دامك قضية دوخت كل الاجيال
واذا نسوا طاري الغلا ذكريهم
يا حظ من لبسك دبله وسلسال
قولي عليهم وابشري بي عليهم
كذاب من قال الهوى لعبة عيال