كلمات اغنية بركان محمد صيام

بركان لما اقول يابا الحنان اللي قولت عزوتي، اللي حاقد واللي جاحد واللي رايد وقعتي. طمعانين فيا اللي قولت هيبقوا سندي في دنيتي، تاخدوا مالي واللي حيلتي ورجعولي خلفتي.

اتعاملوا بسواد النفوس والغدر والنية الغلط، يفيد بايه كنز الكنوز وحزن عايش للابد. ياريتها كت جت في الفلوس مهما كان هو العدد، اللي اسمي معلي منهم حرموني من ولدي السند.

اه م الاحساس يا امايا كرهوني ضروني في ضنايا، وفي كل دقيقة بتعدي بركان قايد جوايا. واتمنى اشوفه لو ثانية غيره مش عاوز حاجة تانية، حرمان الاب من ابنه اصعب احساس في الدنيا.

ياللي حزنتوا الملامح استعدو للخطر، في حقي انا ممكن اسامح واقول قضاء ربي وقدر. بس لحمي ذنبه ايه يعيش تايه وسط البشر، مش هسيبلكوا لحظة حلوة ودة المفيد المختصر.

اللي عيشي وملحي هان عليه وبالشر ابتدى، قلبي اصدر البيان عقد اعدام واتمضى. اي حد غير اللي خان ممكن يحس ويتهدى، ورب الكون حتى الشيطان مايجيش في باله يعمل كدة.

اه م الاحساس يا امايا كرهوني ضروني في ضنايا، وفي كل دقيقة بتعدي بركان قايد جوايا. واتمنى اشوفه لو ثانية غيره مش عاوز حاجة تانية، حرمان الاب من ابنه اصعب احساس في الدنيا.