انا احبك
انا احبك وبجنون من گبل ما عاشرك
خاف تزعل مني يوم حطها ذكرى بدفترك
انا هذا اليعترفلك ما اكابر بالعشگ
انت يا حب كل حياتي انت احلي من الصدگ
يا هديتي الفرحتني عاش ذوقك جننتني
فدوة اروح الگلبك اني رغم كلشي اتحملتني
اكثر اليعجبني بيك دمك الچنه عسل
تدري من تزعل عليه يلوگلك حتى الزعل
انا ما ادور كرامة وياك من اتوسلك
ما اصخ راسي بحياتي بس اطخ راسي الك
احلى شي لمن تعاند تعيش دور العلي حاقد
وانت نار بكلمة مني تصير مثل الثلج بارد
عاشگك ميت عليك كبرتني بهيبتك
والدي و انت الوحيد شما كبرت بعازتك
يطول عمرك حبيبي علمتني على الوفة
گتلي كون الزلمة موقف مو يضل بس عاطفة
انا تربيتك يا غالي ما لوت ايدي الليالي
بفضلك ونية دعائك خلصتها براس عالي