كلمات اغنية اجرح اريج السيد

اجرح وسوي اللي تبي فيني تمون
ما دام تجرحني بسكين الغلا

ودامك عليا تمون فجروحك تهون
يا مرحبا بالجرح جرحك يا هلا

ان كان ودك تعرف اكثر من تكون
ما كن غيري وانت حي من الملا

انت الوحيد اللي سرق نوم العيون
واسهرت عيني كن صايبها بلا

واسرتني في نظرة الرمش الفتون
وهواك في قلبي سكبته وامتلا

الصدر مثل البيد وحضورك مزون
وطيفك يخاشرني بشربي والكلا

لجلك بدعت الشعر وطروق اللحون
تنقاد لك بالسمع والطاعة ولا

انت الهلا وانت الغلا وانت الشجون
واجمل غرامي انت يا ريم الفلا

فلا يجيك الشك او لحظة ظنون
الفكر هو والقلب من غيرك خلا

وما دامك الجراح فجروحك تهون
ابا اعتبرها ليل حالك وانجلا