حيل تغيرت
وياك حيل اتغيرت والتعب واضح بين
بس والله من عفتك فرق ومرتاح انا نفسيا
عايش هدوء اجوائي وماعندي غيرك يافن
انت اللي ماخذ دنيتي وايامي كلها مسلطن
صاير علاج الروحي ويا الكاس اسولف واصفن
واكتب احساسي عالورق بالعود ابقى الحن
سويت ناس اتغني بلهجة عراقي اتجنن
جم صاحب واهلي صفو مكتفي ومطمن
بالعمر ماضل شي بعد تمشي السنين
الناس وصلوا للقمر ومامنين
انت كلي يا وطنا صرنا وين
كلوب بيضة وبالمصايب مبتلين
عين تضحك للحياة وتبجي عين
سافرت مشوار العمر دورت عالمستقبل
بالجنطة خليت العلم باحلامي جنت اتامل
سالوني حبك للوطن كلت الحبيب الاول
كالوا حبيبك مشكلة والوضع مايتحمل
فترة عشتهة وتجربة خلتني اكبر واعقل
وكت المصالح بي شفت الكلوب من تتبدل
يا دنيا ترحم يا بشر يا اعوج اليتعدل
واليزرع بصحرة الورد غير التراب شحصل